Boðklivi
Boðklivi 1.b
Kom til spennandi temakvøld í Hoyvíkar Skúla týskvøldið 23. Apríl kl 19.00 í Pyramiduhøllini, har evnið Talgildur harðskapur verður sett á breddan. Skúlastýrið skipar fyri í samstarv við SSP-Ráðgevingina.
Tit hava helst sæð ella hoyrt um sendingina “Alene hjemme på nettet” á DR ella hoyrt umrøðuna av hesari í føroysku miðlunum. Okkara børn og ungu ferðast á netinum, har tey kunnu verða útsett fyri harðligum myndum og talu, hóttanum, lokking og grovari happing, alt ímeðan vit foreldur standa maktarleys yvirfyri avbjóðingini - ofta óvitandi um, hvat gongur fyri seg. Tí hvussu støðga vit hesum? Hvussu fáa vit okkara børn í talu um hetta?
Hetta hevur SSP-ráðgevingin nøkur boð upp á, og tí fara vit at hoyra frá Daisy Iversen um, hvat talgildur harðskapur er, og hvat vit kunnu gera við hann, og Mariann Reinert, sum er SSP-umboð frá politinum fer at greiða frá, hvussu vit ferðast tryggari á netinum.
Møguleiki verður fyri at seta spurningar og kjakast um evnið, og ein drekkamunnur verður at fáa. Eisini verður ársfrágreiðingin hjá Skúlastýrinum lisin upp. Tiltakið er knýtt at árliga foreldrafundinum hjá Skúlastýrinum.
Møtið fjølment! ????
Skúlastýrið í Hoyvíkar skúla
Kunning - nýggjan lærara
Eg skal hervið kunna tykkum um, at læraratoymið er styrkt við einum lærara afturat. Nýggi lærarin er Hanna R. Davidsen. Í fyrstu syftu verður Hanna knýtt at 1.b í nakrar tímar um vikuna. Hon verður eisini ein partur av 1. flokstoyminum.
Vinalig heilsan
Maiken
Mánadagur 18. septembur 2023
Lesilummin
Í dag hava allir næmingar fingið lesilumma við í taskuna. Í lesilummanum er ein lesibók og ein listi. Lesibókin er sjálvsagt til lesivenjing, meðan listin er ein "skáseting" av lesingini hjá hvørjum einstøkum næmingi. Tað er sera ymiskt, hvar hvør næmingur er í lesimenningini - fyri summi er bókin hóskandi, fyri onkran ov trupul og fyri onkran annan ov løtt. Til komandi viðtalur, koma vit nærri inn á um tillagingar skulu gerast.
Lesilummin skal skiljast soleiðis: Sama bók kemur í øllum førum heim tríggjar ferðir, og hetta skal skrásetast við dagfesting á lesilistan. Tit kunnu viðmerkja á lesilistan, hvussu tað gekk at lesa.
Tit eru vælkomin at skriva til føroyskt lærararnar, um tit hava spurningar.
Súsanna og Bjørg
